நாற்பத்தி நான்காம் பகுதி..
ரஞ்சனி ஆனந்திடம் பேசிவிட்டு, எழுந்து சென்றாள். டேசியா என ஒருத்தி வந்ததையும், காகிதங்களை அவள் முன் வீசியதையும் ரஞ்சனி கண்டுகொள்ளவே இல்லை.
டேசியா இப்போது கோபத்தின் உச்சத்தில் இருந்தாள். கன்னம் , காது நெற்றிவரை சிவந்துவிட்டது.
ரஞ்சனி!! என கிட்டத்தட்ட கத்தியவள், ரஞ்சனியின் வலக்கரத்தைப் பிடித்து அவளது நடையைத் தடுத்தாள்.
ஆனந்துடன் பேசியதில் நேரமாகிவிட, தன் குழந்தையைக்காண செல்ல வேண்டும் என நடந்தவளை டேசியா தடுக்க, என்னவென திரும்பிப் பார்த்தாள் ரஞ்சனி.
ரஞ்சனியின் மேசையில் சிதறிக்கிடந்த காகிதங்களையும், புகைப்படத்தையும் சுட்டிக்காட்டி, என்ன இது?? என்றாள் டேசியா ஆங்கிலத்தில்
நீதான தூக்கிப்போட்ட, எடுத்துட்டு போ என்றாள் ரஞ்சனி.
அதிலிருந்த செய்திகளும், புகைப்படமும், ஜார்ஜையும் ரஞ்சனியையும் இணைத்து காதல் கதைகள் பேசின..
டேசியா வெடித்துவிட்டாள், தகாத ஆங்கில வார்த்தைகளால் சரமாரியாக திட்டியவளை, இல்லாத பொருமையை இழுத்துப் பிடித்து பார்த்துக்கொண்டிருந்தாள் ரஞ்சனி.
எனது காதலனை கைக்குழந்தையுடன் வந்து ஏமாற்றப் பார்க்கிறாயா?? உன் நாட்டிற்கே ஓடிவிடு என முடித்தாள் டேசியா.
சரி கையைவிடு என்றாள் பொருமையாக ரஞ்சனி...
டேசியா, அடுத்த கத்தலை ஆரம்பிக்க, ரஞ்சனியின் இடக்கரம் டேசியாவின் கன்னத்தில் இடியென இறங்கியது.
டேசியா அதிர்ச்சியில் பேச்சிழந்து நிற்க, ரஞ்சனி கையை உதறிக்கொண்டு அறையைவிட்டு வெளியேறினாள்.
ஜார்ஜ் அறைவாயிலில் நிற்பதைக் கண்டு அவனை துளைக்கும் பார்வை பார்த்தவளிடம், அவன் இதற்க்கும் எனக்கும் எந்த சம்பந்தமும் இல்லை என சரணடைந்தான்.
அவனை கடந்து சென்றவள், அடுத்திருந்த தாய்_ சேய் அறைக்குள் தஞ்சம் புகுந்தாள்.
டேசியா அதிர்ச்சியிலிருந்து மீண்டு, ரஞ்சனியின் பின்னால் வேக எட்டுக்களில் வர, இப்போது ஜார்ஜ் டேசியாவின் கையைப் பிடித்தான்.
கல்லூரி கேண்டியனில், ஜார்ஜ் குளிர் நீர் அடங்கிய கண்ணாடிக்குவளையால், டேசியாவின் கன்னத்திற்கு ஒத்தடமிட்டான்.
ரஞ்சனியின் கைத்தடம், டேசியாவின் கன்னத்தில் பதிந்திருந்தது.
டேசியா ஒரு பெரிய மாடல் அழகி. ஜார்ஜூடன் இணைத்து பலமாக கிசுகிசுக்கப் பட்டவளும் கூட..
டேசியாவை சமாதானப்படுத்திக்கொண்டிருந்தான் ஜார்ஜ். எப்படி அடித்துவிட்டாள் பார் என அவன் தேள்சாய்ந்து, கன்னத்தை காட்டினாள் டேசியா.
இதே போல வாங்கிய அனுபவம் ஜார்ஜூக்கும் இருந்ததால், டேசியாவைப் பார்க்க அவனுக்கு பாவமாக இருந்தது.
ரஞ்சனிக்கு கோபம் அதிகம். நீ இதேபோல் அவளைக் காண கல்லூரிவரை வராதே!, உன் நன்மைக்குத்தான் செல்கிறேன் என்றான்.
டேசியா ஜார்ஜை முறைத்தாள். பின்பு டேசியாவின் பார்வையில் ரசம் கூட, எத்தனை முறை நீ அடி வாங்கியிருக்கிறாய் என்றாள் சட்டென...
கேள்விகேட்ட அவளும் சிரித்துவிட்டாள். ஜார்ஜூம் சிரித்துவிட்டான். பின்பு ஒரே முறை என்றான் மெதுவாக.
ஜார்ஜ் கல்லூரிக்கு வருவது வழக்கமாகிவிட, அவனைச்சுற்றி வளைக்கும் கும்பல் குறைந்துவிட்டது. ஆனால் அவனை துரத்தும் பார்வைகள் குறையவில்லை.
டேசியா, தலையை இடவலமாக ஆட்டி, நான் நம்பமாட்டேன் என்றாள்.
முறைத்த ஜார்ஜைப் பார்த்து, முதல் சந்திப்பிலேயே என்னை அடித்துவிட்டாள். நீ தினமும் அவளை கல்லூரியில் சந்திப்பாய், கன்னம் பழுத்திருக்குமே, எங்கே காட்டு, காட்டு என ஆவளானாள் டேசியா.
இவர்களின் நெருக்கம், தொடர் புகைப்படமாகப்பட்டிருந்ததை அறியாமல் டேசிய, இருக்கும் இடத்தையும் மறந்து அவனின் முகம்நோக்கி வர, ஜார்ஜ் , டேசியா இது கல்லூரி!! என அவளுக்கு நினைவூட்டினான்.
விளையாட்டெல்லாம் ஓய்ந்து போக, டேசிய அமைதியாகிவிட்டாள்.
சரி டேசியா, எனக்கு வகுப்பிற்கு நேரமாகிறது, வா போகலாம்! என்றவனின் கையை பிடித்து தடுத்தவள், நீ ரஞ்சனியைத்தான் விரும்புகிறாயா ஜார்ஜ் என்றாள் தனது கண்களின் தவிப்பை மறைத்துக்கொண்டு.
ஜார்ஜ், முகம் இந்தக்கேள்வியில் , தன்னை மறந்து மலர்ந்தது. டேசியா உள்ளுக்குள் நொருங்கிப்போனாள்.
வேகமாக எழுந்த டேசியா, குட்லக், அண்டு குட்பாய் என்றுவிட்டு விறுவிறுவென வெளியேறினாள்.
ஜார்ஜ் அவளின் பின்னால் ஓடிவந்து அவளது கையைப்பிடித்தான்.
ஹே!! என்னாச்சு டேசியா! எதற்காக குட்பாய் , நானும் நீயும் நண்பர்கள் இல்லையா?? என ஜார்ஜ் கேட்க,
டேசியா இல்லை என்றாள். நான் நட்பிலிருந்து அடுத்த கட்டத்திற்கு நகர்ந்துவிட்டேன். இனி என்னால் பின்வாங்க முடியாது. உன்னை தொல்லை செய்யவும் விரும்பவில்லை என நாசூக்காக தனது காதலை வெளிப்படுத்தினாள்.
டேசியா விளையாட்டுத் தனம் இல்லாமல் அவனிடம் பேசுவது இதுவே முதல்முறை. ஜார்ஜ் டேசியாவின் இந்த நிதானத்தில் பேச்சிழக்க, அவனிடமிருந்து தன் கையை உருவிக்கொண்டவள், குட்பாய்!! என்றுவிட்டு அவனைவிட்டு பிரிந்து சென்றாள்.
